إعرف حظك اليوم وتوقعات الأبراج معانا كل يوم وياريت متاخدش الكلام على صدرك..ف الأول والأخر انتا اللي بتعمل حظك اليوم وكل يوم بتصرفاتك ف الحياة ومينفعش حد يقولك هتبقى مبسوط النهاردة أو لأ إلا انتا..إنتا بس اللي تقدر تحدد دة اليوم وكل يوم..متنساش دة..صباحك فل وسعادة..

: كلام جد

حيطة مكتوب عليها.. "وكل شوية ابص على الحتة اللي كنتي قاعدة فيها..وملاقكيش".

عشان تعرف حظك بشكل كامل .. صفي نيتك ودوس على اسم برجك بإيدك اليمين.

حظك اليوم برج الحمل دوت مصر
حظك اليوم برج الحمل دوت مصر

إعرف حظك اليوم برج الحمل بالتفصيل السبت 13/1/2018 مع عبدالله أحمد..

الحمل: من 21 مارس إلى 19 ابريل

برج الحمل عاطفياً

( الكراش والإكس والبوي فريند والجيرل فريند والجوز والزوجة والقرايب ):

غالبا هتعمل مصيبة مشتركة النهاردة مع اصحابك لو إتجمعتوا سوا.. قشطة دة حقكوا ف الحياة وبراحتكوا.

برج الحمل عملياً

( الشغل والمذاكرة والتخطيط لبكرة ):

من حقك تدفن احزانك وتزقطط مع اصحابك النهاردة ولو لساعة واحدة بس.. وحاول تتحكم ف نفسك النهاردة ومتشكتيش من اي حاجة ومتندبش على اي حاجة برضة من اي نوع.. حياتك هي كدة ومش هتتغير.. تقبل دة ف هدوء ومتعملش غاغة

برج الحمل صحياً

( نفسيا وجسمانيا وكل مايخص طاسة المزاج ):

صحتك محتاجة شوية إهتمام زي إمبارح بمناخيرك وبشرتك برضة.. غالبا انتا محتاج شوية مرطبات مش اكتر او مجرد ماسك خيار وزبادي

إعرف توافق برج الحمل مع باقي الأبراج النهاردة:

متوافق مع الابراج البسبوسية والمرمرية والبلاستيكية والمائية والهوائية..

حظك اليوم برج الثور دوت مصر
حظك اليوم برج الثور دوت مصر

إعرف حظك اليوم برج الثور بالتفصيل السبت 13/1/2018 مع عبدالله أحمد..

الثور : من 20 ابريل إلى 20 مايو

برج الثور عاطفياً

( الكراش والإكس والبوي فريند والجيرل فريند والجوز والزوجة والقرايب ):

في حد هيحاول يقلبك ف معلومات الليلة.. خد بالك كويس وإنكر كل حاجة.. كل حاجة.

برج الثور عملياً

( الشغل والمذاكرة والتخطيط لبكرة ):

مش معنى انك متضايق انك تضايق ف الناس اللي حواليك.. المفروض العكس.. المفروض لو ذكي وفتك فعلا تبسطهم يمكن لما يتبسطوا يبسطوك معاهم.. المفروض كدة

برج الثور صحياً

( نفسيا وجسمانيا وكل مايخص طاسة المزاج ):

صحتك النهاردة محتاجة منك تاكل بقدونس وشبت وبنجر وكرنب احمر

إعرف توافق برج الثور مع باقي الأبراج النهاردة:

متوافق مع الابراج البسكوتية والبربوشية والنارية والبرمائية..

حظك اليوم برج الجوزاء دوت مصر
حظك اليوم برج الجوزاء دوت مصر

إعرف حظك اليوم برج الجوزاء بالتفصيل السبت 13/1/2018 مع عبدالله أحمد..

الجوزاء: من 21 مايو إلى 20 يونيو

برج الجوزاء عاطفياً

( الكراش والإكس والبوي فريند والجيرل فريند والجوز والزوجة والقرايب ):

طالما واثق ف نفسك بجد ومتأكد انك صح يبقى ميهمكش من اي حد ف العالم النهاردة.

برج الجوزاء عملياً

( الشغل والمذاكرة والتخطيط لبكرة ):

وراك تفاصيل كتير محتاجة تترتب وغالبا محتاج ترتب اوضتك برضة بس مطنش وعامل نفسك مشغول بقضايا فلسفية عليا عشان تهرب من الموضوع دة..

برج الجوزاء صحياً

( نفسيا وجسمانيا وكل مايخص طاسة المزاج ):

صحتك محتاجة منك النهاردة تبقى جدع مع نفسك وتخرجها تتشمس حبة وتتحرك وتدفى

تعرف على توافق برج الجوزاء مع باقي الأبراج النهاردة:

متوافق مع الابراج البرجماتية والحنكوشية والنارية والهوائية..

حظك اليوم برج السرطان دوت مصر
حظك اليوم برج السرطان دوت مصر

إعرف حظك اليوم برج السرطان بالتفصيل السبت 13/1/2018 مع عبدالله أحمد..

السرطان: من 21 يونيو إلى 22 يوليو

برج السرطان عاطفياً

( الكراش والإكس والبوي فريند والجيرل فريند والجوز والزوجة والقرايب ):

حافظ على صحتك وراعيها حبة النهاردة وبلاش إهمال

برج السرطان عملياً

( الشغل والمذاكرة والتخطيط لبكرة ):

ركز ف حياتك النهاردة كويس جدا عشان متديش فرصة لحد تاني يركزلك فيها وينق عليك ويحسدك..

برج السرطان صحياً

(نفسيا وجسمانيا وكل مايخص طاسة المزاج ):

صحتك زي الفل النهاردة بس انتا برضة محتاج تحافظ على صحتك النفسية من الناس المريضة ف نفسيتها

تعرف على توافق برج السرطان مع باقي الأبراج النهاردة:

متوافق مع الابراج الحلبسية والكهربائية والكتكوتية والنارية والهوائية والمائية..

حظك اليوم برج الأسد دوت مصر
حظك اليوم برج الأسد دوت مصر

إعرف حظك اليوم برج الأسد بالتفصيل السبت 13/1/2018 مع عبدالله أحمد..

الأسد: من 23 يوليو إلى 22 اغسطس

برج الأسد عاطفياً

( الكراش والإكس والبوي فريند والجيرل فريند والجوز والزوجة والقرايب ):

الحياة النهاردة بتحبك وإحتمال تبعتلك حاجة تفرحك.. إستعد كويس بقى وروق كدة وفرفش نفسك حبة

برج الأسد عملياً

( الشغل والمذاكرة والتخطيط لبكرة ):

كل ما كنت كيوت ولطيف النهاردة مع الناس اللي حواليك كل ما اليوم هيعدي بشكل لطيف وكيوت برضة..

برج الأسد صحياً

( نفسيا وجسمانيا وكل مايخص طاسة المزاج ):

صحتك النهاردة محتاجة شوية جنزبيل وعصير طماطم..

تعرف على توافق برج الأسد مع باقي الأبراج النهاردة:

متوافق مع الابراج الفشكولية والباراكودية والبرمائية والهوائية..

حظك اليوم برج العذراء دوت مصر
حظك اليوم برج العذراء دوت مصر

إعرف حظك اليوم برج العذراء بالتفصيل السبت 13/1/2018 مع عبدالله أحمد..

العذراء: من 23 اغسطس إلى 22 سبتمبر

برج العذراء عاطفياً

( الكراش والإكس والبوي فريند والجيرل فريند والجوز والزوجة والقرايب ):

حاول متخليش الملل النهاردة يدفعك تتصرف اي تصرف طائش يائس أهوج أرعن لمجرد انك مش لاقي حاجة تطلع فيها غلط وقرفك.. إتحكم ف نفسك كويس..

برج العذراء عملياً

( الشغل والمذاكرة والتخطيط لبكرة ):

اليوم مناسب للتركيز ف كل المشاريع المؤجلة بدل مانتا قاعد تقلب ف الماضي وتخوف نفسك من المستقبل..

برج العذراء صحياً

( نفسيا وجسمانيا وكل مايخص طاسة المزاج ):

صحتك تمام بس نفسيتك محتاجة شوية أكل حلوين على مزاجك..

تعرف على توافق برج العذراء مع باقي الأبراج النهاردة:

متوافق مع الابراج البرطمانية والكستبانية والنارية..

حظك اليوم برج الميزان دوت مصر
حظك اليوم برج الميزان دوت مصر

إعرف حظك اليوم برج الميزان بالتفصيل السبت 13/1/2018 مع عبدالله أحمد..

الميزان : من 23 سبتمبر إلى 22 اكتوبر

برج الميزان عاطفياً

( الكراش والإكس والبوي فريند والجيرل فريند والجوز والزوجة والقرايب ):

متضربش حد النهاردة حتى لو كان ف خيالك.. بلاش.. خليك طيوب وكيوت ومسالم احسن وبلاش عنف..

برج الميزان عملياً

( الشغل والمذاكرة والتخطيط لبكرة ):

محتاج تنظم افكارك النهاردة عشان تعرف تخطط للأيام اللي جاية وتشوف هتعمل ايه وهتهرب فين لما كل حاجة انتا مخبيها تتكشف فجأة مستقبلا..

برج الميزان صحياً

( نفسيا وجسمانيا وكل مايخص طاسة المزاج ):

صحتك محتاجة النهاردة راحة واسترخاء وصفاء ذهن ونوم عميق وبس

تعرف على توافق برج الميزان مع باقي الأبراج النهاردة:

متوافق مع الابراج الدرامية والفضية والهوائية والمائية..

حظك اليوم برج العقرب دوت مصر
حظك اليوم برج العقرب دوت مصر

إعرف حظك اليوم برج العقرب بالتفصيل السبت 13/1/2018 مع عبدالله أحمد..

العقرب: من 23اكتوبر إلى 21 نوفمبر

برج العقرب عاطفياً

( الكراش والإكس والبوي فريند والجيرل فريند والجوز والزوجة والقرايب ):

الإهتمام بيتطلب عادي جدا على فكرة انتا بس اللي بتتكسف واوقات بتبقى درامي ومقموص وقاعد ف ركن مستني العالم يسألك ويقولك " مالك؟" ودة عمره ماهيحصل على فكرة..

برج العقرب عملياً

( الشغل والمذاكرة والتخطيط لبكرة ):

حد مهم هيقولك كلام مهم عن حاجات مهمة ف حياتك اللي انتا شايف انها مهمة.. حاول تهتم بالموضوع دة النهاردة.

برج العقرب صحياً

( نفسيا وجسمانيا وكل مايخص طاسة المزاج ):

صحتك النهاردة ماشي حالها بس ياريت تلعب ضغط لمدة عشر دقايق قبل ما تنزل من البيت عشان تقوي عضلات صدرك اللي هتحتاجها وانتا بتصد ف الهوا الساقع اللي ماشي براحته ف كل الشوارع ليل نهار اليومين دول ومحدش عارف يقف قصاده دة

تعرف على توافق برج العقرب مع باقي الأبراج النهاردة:

متوافق مع الابراج الحنكوشية والبرطمانية والهوائية والبرمائية..

حظك اليوم برج القوس دوت مصر
حظك اليوم برج القوس دوت مصر

إعرف حظك اليوم برج القوس بالتفصيل السبت 13/1/2018 مع عبدالله أحمد..

القوس: من 22 نوفمبر إلى 21 ديسمبر

برج القوس عاطفياً

( الكراش والإكس والبوي فريند والجيرل فريند والجوز والزوجة والقرايب ):

متضللش حد النهاردة لمجرد انك حاسس انك اذكى منه او عشان بيصدق كلامك بسهولة.. بلاش

برج القوس عملياً

( الشغل والمذاكرة والتخطيط لبكرة ):

محتاج تبقى مقنع ومؤثر وبتمثل حلو النهاردة وانت بتتكلم وتحكي عن حاجات غالبا حصلت ف خيالك انتا بس عشان الناس تصدقك.

برج القوس صحياً

( نفسيا وجسمانيا وكل مايخص طاسة المزاج ):

صحتك النهاردة عاوزة منك تنزل من بدري تقف ف الشمس حبة وبعد كدة تعزم نفسك على كتاب حلو وشوية اغاني رايقة ومتتخانقش مع حد خالص النهاردة وخصوصا نفسك

تعرف على توافق برج القوس مع باقي الأبراج النهاردة:

متوافق مع الابراج الفركتوزية والحبشتكانية والحنجورية والهوائية..

حظك اليوم برج الجدي دوت مصر
حظك اليوم برج الجدي دوت مصر

إعرف حظك اليوم برج الجدي بالتفصيل السبت 13/1/2018 مع عبدالله أحمد..

الجدى: من 22 ديسمبر إلى 19 يناير

برج الجدي عاطفياً

( الكراش والإكس والبوي فريند والجيرل فريند والجوز والزوجة والقرايب ):

كل الناس حواليك بتقولك الصح فين بس انتا مصر برضة تمشي بدماغك ف السكة الغلط لا لشيئ الا انك حابب تعاند فيهم وخلاص.. قشطة براحتك.. انتا حر.. حياتك ملكك لواحدك وانتا الوحيد اللي من حقه يبوظها ويخربها براحته.. مترجعش تقوق بعدين بس.

برج الجدي عملياً

( الشغل والمذاكرة والتخطيط لبكرة ):

بتحاول تتقمص دور مش بتاعك اليومين دول وماشي ف طريق هتآذي بيه نفسك ف الاخر وهتقف تلوم الكل كالعادة مش نفسك اللي اختارت بمحض ارادتها كل حاجة

برج الجدي صحياً

( نفسيا وجسمانيا وكل مايخص طاسة المزاج ):

صحيا انتا محتاج النهاردة مساج لرقبتك وماسك زبادي وخيار لمعدتك..

تعرف على توافق برج الجدي مع باقي الأبراج النهاردة:

متوافق مع الابراج المرمرية والحنكوشية والنارية..

حظك اليوم برج الدلو دوت مصر
حظك اليوم برج الدلو دوت مصر

إعرف حظك اليوم برج الدلو بالتفصيل السبت 13/1/2018 مع عبدالله أحمد..

الدلو: من 20 يناير إلى 18 فبراير

برج الدلو عاطفياً

( الكراش والإكس والبوي فريند والجيرل فريند والجوز والزوجة والقرايب ):

هتتولى زمام الامور وهتبقى مسئول عن مهمة إسعاد نفسك النهاردة ودي حاجة صعبة ومتستهونش بيها ابدا.. روق كدة وفكر كويس هتعمل دة ازاي بنجاح..

برج الدلو عملياً

( الشغل والمذاكرة والتخطيط لبكرة ):

مهم تنبسط وتصدق انك من حقك تنبسط براحتك بالرغم من كل المنغصات اللي بتحاوطك من كل ناحية..

برج الدلو صحياً

( نفسيا وجسمانيا وكل مايخص طاسة المزاج ):

صحتك كويسة بس حاول تتحرك بشكل اكبر من كدة وبلاش كسل وخصوصا الكسل اللي بتحسه ف مشاعرك دة.. مش لطيف خالص..

تعرف على توافق برج الدلو مع باقي الأبراج النهاردة:

متوافق مع الابراج الكستبانية والدخانية والمونوكرومية والترابية..

حظك اليوم برج الحوت دوت مصر
حظك اليوم برج الحوت دوت مصر

إعرف حظك اليوم برج الحوت بالتفصيل السبت 13/1/2018 مع عبدالله أحمد..

الحوت: من 19 فبراير إلى 20 مارس

برج الحوت عاطفياً

( الكراش والإكس والبوي فريند والجيرل فريند والجوز والزوجة والقرايب ):

خد بالك النهاردة من نفسك وانتا سايق كويس.. سواء سايق عربية او عجلة او موتوسيكل او مجرد سايق نفسيتك وأحلامك على طريق الحياة

برج الحوت عملياً

( الشغل والمذاكرة والتخطيط لبكرة ):

ف كل الاحوال تقدر تتطمن النهاردة انك كيوت وعسول ومحبوب جدا بس محدش بيقولك للأسف انه بيحبك عشان انتا بتخوفه غالبا مش أكتر سواء بتصرفاتك الغدارة او بكلامك اللي عامل زي الطوب الاحمر

برج الحوت صحياً

( نفسيا وجسمانيا وكل مايخص طاسة المزاج ):

صحتك كويسة وتمام التمام وتقدر النهاردة تنزل البحر وتععوم براحتك ف ميته التركواز ف خيالك زي مانتا عاوز..

تعرف على توافق برج الحوت مع باقي الأبراج النهاردة:

متوافق مع الابراج البسبوسية واللولبية والفهلوية والمائية..