تعرف على حظك اليوم لبرج الدلو مع الكاتب عبدالله أحمد وتأكد إنك سواء عجبك الكلام المكتوب هنا في برجك أو لأ ف انتا تقدر تصنع حظك اليوم بإيديك سواء اليوم أو كل يوم

حظك اليوم برج الدلو
حظك اليوم برج الدلو

حظك اليوم برج الدلو عاطفياً

( الكراش والإكس والبوي والجيرل فريند والجوز والزوجة والقرايب ):

امشي ورا احساسك النهاردة ف كل حاجة خصوصا ف الحاجات المحيرة والحاجات اللي مش عارف تاخد فيها قرار او الحاجات اللي انتا اساسا مقرر متاخدش فيها قرار وتسيبها كدة تمشي على هواها زي ماتحب وبراحتها..كمان خد بالك ان مفيش حاجة مهمة النهاردة تستدعي منك اي اهتمام غير انك تبقى كويس ومبسوط وبتنام كويس وبتقوم فاكر احلامك او على الاقل حتت منها..اوعى بس تسيبها تتوه..اوعى.

حظك اليوم برج الدلو عملياً

( الشغل والمذاكرة والتخطيط لبكرة ):

كل حاجة ماشية زي الفل انتا بس اللي من جواك شاكك ف كل حاجة عشان مش مصدق انك ممكن فعلا تنجح او تعمل حاجة عشان مبتثقش ف نفسك بشكل كافي كمان واضح انك محاط باشخاص محبطة وفقيرة ف خيالها ومشاعرها..حاول تبعد عن كل الهم دة وتقعد على سحابتك الشخصية فوق لوحدك حبة النهاردة..

حظك اليوم برج الدلو صحياً

( نفسيا وجسمانيا وكل مايخص طاسة المزاج ):

سندوتشاتك وميتك وفاكهتك وحبة ترمس كدة وتطلع على السحابة تشغل مزيكا وتنبسط وبس..وتفكك من اي تهيوءات عند اي حد او توقعات..بطل تخاف على زعل ناس مبتخافش على زعلك..بطل الهبل دة خالص عشان دي مش جدعنة ولا تفهم..دة اسمه هبل حضرتك وطيبة محدش يستاهلها اساسا..

إعرف توافق برج الدلو مع باقي الأبراج النهاردة

متوافق مع الابراج الدخانية

من مشاهير برج الدلو

برج الدلو ميشا بارتون
برج الدلو ميشا بارتون

الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.

الحظ ممكن يكون موجود ممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..

ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..

إفتكر الكلام دا وانت بتقرا حظك النهاردة وبكرة وكل يوم ياريت ..

وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك بإيديك سواء اليوم أو كل يوم..

الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..

تابعنا يومياً عشان تعرف حظك كل يوم ومتنساش.. كل دة مجرد هزار برئ ياريت متاخدوش على صدرك..

تحياتنا الدائمة.