تعرف على حظك اليوم لبرج الأسد مع الكاتب عبدالله أحمد وتأكد إنك سواء عجبك الكلام المكتوب هنا في برجك أو لأ ف انتا تقدر تصنع حظك اليوم بإيديك سواء اليوم أو كل يوم

حظك اليوم برج الأسد
حظك اليوم برج الأسد

حظك اليوم برج الأسد عاطفياً

( الكراش والإكس والبوي والجيرل فريند والجوز والزوجة والقرايب ):

إتطمن..الكوكب النهاردة بخير وكويس ولسة بيلف حوالين نفسه..متشيلش هم انتا بس وانبسط ومتقلقش نفسك بدون داعي..كل حاجة اندر كنترول ومش محتاجين مساعدتك ولا نصايحك ف اي حاجة..

حظك اليوم برج الأسد عملياً

( الشغل والمذاكرة والتخطيط لبكرة ):

اشغل نفسك بنفسك مش بالناس النهاردة وحاول تنام حبة حلوين من نفسك وتطنش كل وش ودوشة العالم المحيط الكئيب الحزين دة..ثم حزين دة على نفسه مش عليك

حظك اليوم برج الأسد صحياً

( نفسيا وجسمانيا وكل مايخص طاسة المزاج ):

الخضار والفراخ والنودلز كلها حاجات بتناديك وانتا مطنش وعامل نفسك مش سامع..كمان انتا محتاج فاكهة مبهجة من نوع تكون بتحبه متقطعة ف طبق بحيث تقدر تقعد ف البلكونة تتفرج ع الناس وتمز براحتك وتنقنق..حاول بس متحدفش اي قشر او بذر على اي حد وببلاش شر ومرازية..بلاش..

إعرف توافق برج الأسد مع باقي الأبراج النهاردة

متوافق مع الابراج الخشبية والهوائية

من مشاهير برج الأسد

برج الأسد جينفر لوبيز
برج الأسد جينفر لوبيز

الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.

الحظ ممكن يكون موجود ممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..

ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..

إفتكر الكلام دا وانت بتقرا حظك النهاردة وبكرة وكل يوم ياريت ..

وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك بإيديك سواء اليوم أو كل يوم..

الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..

تابعنا يومياً عشان تعرف حظك كل يوم ومتنساش.. كل دة مجرد هزار برئ ياريت متاخدوش على صدرك..

تحياتنا الدائمة.